Зөвлөх үйлчилгээний тухай зарлал


ЗӨВЛӨХ ҮЙЛЧИЛГЭЭНИЙ ТУХАЙ ЗАРЛАЛ

 

  1. Орхон аймаг дахь Төрийн аудитын газар нь 2019 оны санхүүгийн тайлангийн аудитыг гэрээгээр гүйцэтгэх хараат бус аудитын хуулийн этгээдийг сонгон шалгаруулж, зөвлөх үйлчилгээний гэрээ байгуулах гэж байгаа тул зөвлөхийн үйлчилгээ үзүүлэх хүсэлтэй этгээдийг мэдүүлгээ ирүүлэхийг урьж байна.

 

  1. Энэхүү зөвлөх үйлчилгээ санхүүгийн тайланд аудит хийх гүйцэтгэгчийг сонгон шалгаруулах ажил болно.

 

  1. Мэдүүлгээ ирүүлж буй зөвлөх нь Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 14-16 дугаар зүйлд заасан шалгуур үзүүлэлт, шаардлага, уг үйлчилгээг гүйцэтгэх чадвартайгаа нотлох баримт бичгийн баталгаажуулсан хуулбаруудыг хавсарган ирүүлнэ. Үүнд:

 

- Улсын бүртгэлийн гэрчилгээ, аудит хийх тусгай зөвшөөрлийн хүчинтэй хугацаа нь тухайн жилд аудит хийх хуулийн цаглабар хугацаатай нийцсэн эсэх (тендерийн явцад тусгай зөвшөөрлийн хугацааг сунгуулахаар эрх бүхий байгууллагад хүргүүлсэн байгаа тохиолдолд тухайн байгууллагаас лавлагаа авсан байх);

 

- Аудитын хуулийн этгээдийн захирал нь мэргэшсэн нягтлан бодогчийн хугацаагүй эрхтэй, Монголын мэргэшсэн нягтлан бодогчдын Институт (ММНБИ)-ээс зохих зөвшөөрөлтэй байх;

- Хуулийн этгээд нь 2-оос доошгүй үндсэн орон тооны мэргэшсэн нягтлан бодогчтой байх, өөр байгууллагад давхар ажил эрхэлдэггүй байх

- Хуулийн этгээдийн захирал болон мэргэшсэн нягтлан бодогчид нь мэргэжлийн ёс зүйн алдаа гаргаагүй тухай ММНБИ-ийн тодорхойлолттой байх;

- Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн 21.1 дэх хэсэгт заасан хориглолт, хязгаарлалтыг зөрчөөгүй байх /Орхон аймаг дахь ТАГ-тай хамтарч ажиллахад ашиг сонирхлын зөрчилтэй эсэхийг мэдэгдсэн албан бичиг, аудиторуудын мэдэгдэл/;

- Аудиторууд нь аудитын ажил хийж гүйцэтгэсэн 2-оос доошгүй жилийн туршлагатай байх /нийгмийн даатгалын цахим лавлагаа/;

- Хуулийн этгээдийн үйл ажиллагааны туршлагыг харуулахуйц нотлох баримтыг хавсаргах

Чадварыг нэмэгдүүлж сайжруулах зорилгоор зөвлөхүүд түншлэлийн хэлбэрээр оролцож болно.

 

  1. Сонирхсон этгээд нэмэлт мэдээлэл авч болох бөгөөд мэдүүлгээ дор дурдсан хаягаар 2019 оны 09 дүгээр сарын 09-ны өдрийн 10:00 цагаас өмнө ирүүлнэ үү.

 

Орхон аймаг, Баян-Өндөр сум, Нутгийн удирдлагын ордны 3 давхарт,

Орхон аймаг дахь Төрийн аудитын газар 304 тоот,

Утас:70350757, 70355805, 99048033